Santos lajmëroi ndërprerjen e kontratës me Robinhon, sulmuesin i cili ishte gati të vishte për herë të katërt fanellën bardhezi. Palët arritën një akord një javë më parë, teksa sulmuesi do të përfitonte një rrogë prej 230 eurosh në muaj.
Afrimi i lojtarit të njohur ndikoi që të largohej sponsori kryesor i klubit brazilian. “Ne kemi respekt të madh për klubin e Santosit dhe historinë që ka, por klientët tanë përbëhen kryesisht nga gratë dhe në respekt të tyre ne morëm këtë vendim.
Madje, ne nuk ka kishte informuar askush për transferimin e Robinhos“, deklaroi drejtori i “Orthopride”, kompania me qendër në Sao Paulo, që tregton produkte estetike dhe dentare. Vendimi erdhi për shkak se Robinho më parë është dënuar me 9 vite burg nga gjykata italiane, pasi akuzohet për përdhunim.
Klubi latin nuk humbi kohë dhe ndërpreu bashkëpunimin me sulmuesin. “E morëm këtë vendim në mënyrë që lojtari të përqendrohet në mbrojtjen e tij në procesin që zhvillohet në Itali“, lexohet në komunikatën zyrtare të Santos, teksa ka ardhur edhe reagimi i Robinhos.
“Objektivi im ishte të ndihmoja Santosin. Më shqetëson fakti që nuk mund ta bëj dot, por është më mirë që në këto momente të përqendrohem te çështjet e mia personale. Do të provoj pafajësinë time për tifozët e Santos dhe ata që më pëlqejnë mua“, deklaron 36-vjeçari. /abcnews.al
