Florian Riza, specialist futbolli, është i ftuar në Pressing, në ABC News. Në fjalën e tij, Riza u shpreh: “Objektivi i ekipit kombëtar është Euro2024. Për të shkuar atje, është një rrugë shumë e gjatë. Ekipi është në një rrugë të drejtë, qoftë nga përshtatja, deri te seleksionimi dhe dhënia e mundësisë për disa lojtarë.
Është në rrugë të drejtë edhe për vendin e parë të grupit C në Nations League. Nëse do të kisha disa pyetje, do t’i ktheja përgjigje PO. A është ky grupi më i mirë? A luajtëm mirë kundër Lituanisë?
A është problem mungesa e golit? Jo. Ne bëjmë lojën e duhur, futbollin e bëjmë, futbolli i bukur të çon te goli. Dy ndeshjet e fundit janë në Tiranë dhe janë avantazhe, shoh gjëra pozitive. Nuk mund të them se ekipi ndryshon për keq, do të ndryshojë për mirë, do të ketë rritje”. / abcnews.al
