Sulmuesi i Bayern Munchen, Robert Lewandowski, e ka nisur këtë sezon të ri në mënyrë të shkëlqyer, duke shënuar në çdo ndeshje që ka luajtur. Si në kampionatin gjerman, ashtu dhe në Champions League, Lewandowski nuk ka dështuar në asnjë ndeshje që të gjejë rrjetën, duke thyer rekord pas rekordi.
Sot, bomberi polak është pyetur për rivalin më të vështirë me të cilin është ndeshur. Pasi u mendua, Lewa tha se mbrojtësi më i vështirë është kapiteni i Real Madrid, Sergio Ramos.
“Rivali më i vështirë? Ka shumë mbrojtës të mirë me të cilët jam përballur, por më duhet të them Sergio Ramos. Ai është një ndër mbrojtësit më të fortë. Gjithmonë jam i lumtur kur luaj kundër tij, pasi e di se do të jetë një duel i fortë”, tha sulmuesi polak./abcnews.al
