Giorgio Chiellini është lojtar i lirë prej datës 1 korrik. Mbrojtësi i njohur fitoi Euro 2020 si kapiten me Italinë, teksa këto ditë do të takohet me presidentin e Juventusit në lidhje me rinovimin.
36-vjeçari është pjesë e bardhezinjve prej vitit 2005 dhe dëshiron të vijojë të mbajë veshur fanellën e rekordmenëve të futbollit italian. GDS shkruan se Chiellini kërkon një kontratë 2-vjeçare.
Kapiteni i Juventusit është i vendosur të luajë edhe në Botërorin Katar 2022 me kombëtaren e kaltër, teksa pretendon edhe rritje rroge.
Juventusi i dhuron aktualisht 3.5 milion euro në sezon, ndërsa kërkesa e Chiellinit për Andrea Agnellin do të jetë 5 milion euro në sezon. /abcnews.al
