Paulo Dybala dhe Juventus mund të ndahen në verën e ardhshme nëse rinovimi i kontratës nuk vjen. Kontrata e Dybala skadon në verën e vitit të ardhshëm dhe rinovimi ndahet nga rreth 3 milionë euro në sezon.
Oferta e fundit e Juventus është 10 milionë euro neto, plus 2 të tjerë në formë bonusesh, teksa përgjigja e Dybala nuk ka ardhur ende. Nga Parisi vijnë lajme rreth të ardhmes së argjentinasit.
Mauricio Pochettino, i cili e kërkoi Dybala edhe kur ishte në krye të Totenham, ka udhëzuar drejtorin Leonardo të synojë Dybala në verën e ardhshme.
Mësohet se PSG është gati të ngopë oreksin financiar të argjentinasit, i cili kërkon 15 milionë euro neto në sezon. Juventus ka kërkuar përgjigjen e fundit nga Dybala në fund të muajit shkurt dhe nëse vjen një ‘jo’, gjërat mund të lëvizin në favor te PSG. /abcnews.al
