Loading ...
Giggi Buffon mund do të largohet nga Juventusi në fund të sezonit. Portieri i “përjetshëm” feston 44-vjetorin e lindjes janarin e ardhshëm, teksa pasioni për të qëndruar mes shtyllave nuk i është shuar akoma.
Fitimi i Champions League mbetet një ëndërr e madhe që po shuhet me kalimin e kohës, ndërsa “gardiani” shpreson të grumbullohet me Italinë në Botërorin Katar 2022.
Mjafton edhe si portier i tretë, pasi do të ishte Botërori i gjashtë ku merr pjesë, një arritje që nuk e ka bërë asnjë futbollist më parë.
Rikthehemi te Juventusi. Më 23 maj zhvillohet finalja e Kupës së Italisë kundër Atalantës, kompeticion ku Buffon është titullar.
Nëse drejtuesit e klubit nuk do i ofrojnë rinovimin me një tjetër vit deri në atë datë, Buffon do të shohë për alternativa të tjera.
Dëshira e madhe është të firmosë me një klub që garon në Champions, përndryshe mund të tërhiqet përfundimisht. Porto ka dalë si opsion, por është akoma herët për të marrë një vendim. /abcnews.al
