Milani fitoi 3-1 në “San Siro” kundër Parmës dhe kualifikimi në Europa League është shumë afër. Kuqezinjtë e Piolit po kalojnë një moment shumë të mirë dhe Ivan Gazidis vlerëson paraqitjet pozitive të skuadrës.
CEO i Milanit nuk i fsheh ambiciet në prononcimin e fundit, duke treguar se objektivat e klubit të famshëm janë të mëdha dhe e ardhmja është shumë e mirë.
“Kemi kaluar momente të vështira për shkak të pandemisë dhe bllokimit të futbollit, por tani kemi zbuluar se jemi shumë të fortë, falë pasionit, ndërgjegjësimit dhe sakrificave të mëdha.
Ne jemi duke punuar për të bërë ndryshime në modelin e biznesit të klubit, duke u orientuar drejt qëndrueshmërisë ekonomike.
Milani tenton një model të virtytshëm biznesi, ku të ardhurat nga stadiumi, nga sponsorët dhe zonat e tjera tregtare, do të investohen në përmirësimin e performancës sportive.
Objektivi ynë është të dërgojmë Milanin në nivelet më të larta të futbollit evropian“, përfundon CEO i klubit italian. /abcnews.al
