Ditën e nesërme është planifikuar të zhvillohet dueli mes Manchester United dhe Tottenham Hotspur. Trajneri i “Gjelave” të Londrës, Jose Mourinho, do të rikthehet në “Old Trafford” dhe në konferncën për shtyp në ditën e sotme ai kishte një mesazh për të gjithë tifozët e United.
“Tifozët e dinë shumë mirë se unë bëra maksimumin tim. Unë fitova atë që ishte e mundur për të fituar dhe jo atë që nuk ishte e mundur. Dhashë gjithçka, i dhurova jetë klubit dhe profesionalizmin tim, siç bëj gjithmonë.
Atje kam bërë shumë miq, të cilët nuk do t’i harroj kurrë. Kam vetëm ndjenja të mira për ta, por nesër për 90 minuta do t’i harroj, pasi ata duan të fitojnë dhe unë dua të fitoj. Ky është futbolli,” deklaron “Special One”. /abcnews.al
