Ekipet e Serie A, do të rikthehen në stërvitje me datë 4 maj, ndërsa me datë 18 maj, stërvitja do të kryhet me grupe të plota. Edhe futbolli, pritet të rifillojë brenda muajit të ardhshëm. Klubet e Serie A, kanë urdhëruar futbollistët e tyre të rikthehen.
Juventusi ka urdhëruar dhe Cristiano Ronaldon të rikthehet nga Madeira, aty ku ylli portugez ka qëndruar prej shumë kohësh i izoluar me familjen dhe të afërmit e tij. CR7 ka kohë deri nesër pasdite të mbërrijë në Torino.
Ylli portugez, tashmë 35 vjeç, pritet të rikthehet në stërvitje me shokët e tij të skuadrës, por na ka lënë të kuptohet se rendimenti i tij fizik nuk ka rënë aspak, me videot e shpeshta të publikuara në rrjetet e tij sociale./abcnews.al
