Katër futbollistë të Sampdorias dolën pozitive me COVID-19 disa ditë më parë. Përgjigjet e testeve të 7 majit shqetësuan jo pak drejtuesit e klubit italian dhe rikthyen panikun në skuadër. Lojtarët u futën menjëherë në karantinë pas lajmit negativ.
Të katërt i janë nënshtruar kontrolleve të radhës dhe Sampdoria ka dhënë lajmin pozitiv. Për fat të mirë, të katër futbollistët kanë rezultuar negativë. Tani nevojitet të korrin të njëjtin rezultat në testin e radhës dhe më pas mund t’i bashkohen shokëve në stërvitje.
“U.C Sampdoria njofton se katër futbollistët, të testuar pozitivë me COVID-19, i janë nënshtruar tamponëve të radhës dhe rezultojnë negativë”, lexohet në komunikatën e klubi dorian. /abcnews.al
? #COVID19: comunicazione U.C. #Sampdoria del 14 maggio 2020 ➡️ https://t.co/ssdAmLV6Is pic.twitter.com/LWKyb1XX6X
— U.C. Sampdoria (@sampdoria) May 14, 2020
