Në fundjavë do të rikthehet edhe “Abissnet Superiore” me ndeshjet e javës së pestë dhe do të luhen në tri ditë të ndryshme, të shtunën, të dielën dhe të hënën.
Laçi do të presë Egnatian ditën e shtunë në orën 13:45, ndeshje kjo që do të ngre edhe siparin e javës së pestë, me “Kurbinasit” të dënuar vetëm për fitore për t’iu larguar fundit të tabelës së klasifikimit. Laçi nuk ka arritur të fitojë asnjë ndeshje në këtë fillim kampionati duke siguruar vetëm 2 pikë nga dy barazime me Dinamon dhe Kukësin.
Po në të njëjtën orë, në Kamëz do të luhet përballja mes Kastriotit-Skëndërbeut, dy skuadra që akoma nuk e kanë provuar shijen e fitores këtë sezon dhe do të luftojnë më njëra-tjetrën për të dalë me 3 pikë nga kjo ndeshje.
Dita e dielë ka rezervuar një supersfidë mes dy skuadrave që ndodhen në dy vendet e para të tabelës së klasifikimit, që do të matin forcat mes tyre në orën 13:45 në stadiumin “ Egnatia Arena” të Rrogozhinës. Përballjet e së kaluarës kanë qenë shumë të luftuara mes dy skuadrave edhe në këtë sfidë do jetë e njëjtë, Orges Shehi do të vihet përballl se kaluarës së tij, këtë herë duke drejtuar skuadrën kundërshtare.
Menjëherë vëmendja do të zhvendoset në Tiranë në “Air Albania”, ku Partizani do të presë skuadrën e Kukësit. Një përballje e luftuar do jetë mes dy skuadrave që do të duan të diktojnë lojën e tyre edhe pse nuk do të jetë aspak e lehtë. “Të Kuqtë” e kryeqytetit akoma nuk kanë siguruar asnjë fitore në 4 ndeshje të luajtura deri tani.
Në Shkodër në stadiumin “Loro Boriçi”, ora 19:45 do të mbyllet edhe java e pestë. Nën dritat e prozhektorëve do të luajnë Vllaznia pritëse dhe Dinamo. Të dy skuafrat kanë vetëm nga një fitore dhe 3 barazime duke grumbulluar nga 6 pikë secila. Në këtë ndeshje të dyja skuadrat do të kërkojnë fitoren e dytë sezonale për të lënë prapa njëra-tjetrën në tabelën e klasifikimit.
Të shtunën
Laçi – Egnatia 13:45
Kastrioti – Skëndërbeu 13:45
Të dielën
Teuta – Tirana 13:45
Partizani – Kukësi 16:45
Të hënën
Vllaznia – Dinamo 19:45
/abcnews.al
