Ish-futbollisti i Bajernit Frenk Riberi është tashmë futbollisti më i ri te Fiorentina. Francezi vijon karrierën me futbollin Italian nën fanellën vjollcë. Çdo gjë është kopsitur, mungon vetëm zyrtarizimi nga ana e klubit italian.
Ish-futbollisti që bëri epokë me Bajernin është tashmë futbollisti më i ri te Fiorentina. Kështu francezi vijon karrierën me futbollin italian nën fanellën vjollcë. Çdo gjë është kopsitur, mungon vetëm zyrtarizimi nga ana e klubit.
Një operacion që vetëm 40 ditë më parë shikohej si një diçka thuajse e pamundur tashmë është fakt. Një nga arsyet e nënshkrimit të Riberi te Fiorentina natyrisht është edhe gruaja e tij Wahiba, e cila ka dhënë OK e saj për një jetë në Itali.
Vizitat mjekësore do të realizohen ditën e mërkurë. E kështu për trajnerin Montela, ardhja e Riberi është një mbështetje e madhe për ofensivën e skuadrës vjollcë. Riberi pas mungesës së rinovimit të kontratës së tij me Bajernin, për disa javë ishte në një rebus të madh për destinacionin e ardhshëm të karrierës.
Oferta kishte nga PSV Eindhoven, apo edhe nga rusët e Lokomotiv Moskë. Riberi ishte një flamur simbol te bavarezët ku për 12 sezone që luajti me atë fanellë fitoj 9 tituj kampionë në Budesliga, një Ligë kampionesh, një Botëror klubesh, një superkupë europiane, 6 kupa të Gjermanisë, 5 superkupa në Gjermani dhe një Kupë të LIgës.
Tashmë një sfidë e re për të në Itali, ku natyrisht Fiorentina nuk ka peshën e Bajernit, por do të përfitojë mjaft nga pasha e francezit në aspektin sulmues./ABC News Albania 24/7
