“Të dënohen Juventusi dhe Real Madrid”, kjo është kërkesa e shumë klubeve të futbollit, sipas asaj që shkruan gazeta italiane “Gazzetta dello Sport”.
Bëhet fjalë për një përjashtim për një sezon nga Champions League, por me shumë gjasa pak mundësi ka të ndodhë, edhe pse ka rebelim ndaj dy klubeve nismëtare të European Super League.
Gazeta italiane shton gjithashtu se UEFA po mendon që t’i shmangë situata të tilla, duke përfshirë klauzola. UEFA po mendon edhe për ndryshime në rregullat e FFP dhe vendosjen e pagave tavan. /abcnews.al
