Fansat e “Batman” në Londër mund të jenë të lumtur jo vetëm me shfaqjen e filmit në kinema, por edhe sepse mund të rezervojnë një tryezë darke në restorantin e parë në botë me temën e superheroit të tyre të preferuar.
@hotdinners Get a first look inside Park Row, the new Batman/ DC Comics themed restaurant in Soho, London #batman #londonfood #parkrow #london ♬ Birth of a Penguin (Pt. II) – Batman Returns Soundtrack/Danny Elfman
Restoranti Park Row, i quajtur sipas lagjes së famshme të Batman-it, është projektuar për t’u vendosur në Gotham City, shtëpia e luftëtarit të krimit. Park Row ndodhet në një kompleks nëntokësor që përfshin një numër restorantesh dhe baresh me tematikë që mund të mbajnë deri në 330 të ftuar. Mysafirët hyjnë në një bibliotekë të rreme të stilit anglez, udhëhiqen nga një derë sekrete, zbresin një shkallë dhe kalojnë nëpër shpellën nëntokësore të Batman për të hyrë në restorantin nëntokësor. Ndër të tjera, ka Bar Pennyworth kushtuar shërbëtorit të familjes Wayne dhe Iceberg Lounge, një haraç për pinguinin që është gjithashtu një vend jashtëzakonisht i lezetshëm për darkë dhe pije.
Për sa i përket menusë, ajo është e frymëzuar nga miqtë dhe armiqtë e Batman. Edhe enët luajnë një rol, për shembull salca shërbehet në shiringa. Shefi i kuzhinës është Karl O’Dell i cili ka qenë shef i lartë i kuzhinës në Gordon Ramsay dhe restoranti drejtohet nga James Bulmer. Në fund, menuja me 11 pjata shërbehet në rreth tre orë dhe kushton 230 euro 195 £ (260 dollarë) për person./abcnews.al
