Një grup prej 18 ligjvënësish republikanë i kanë kërkuar presidentit amerikan Joe Biden të fshijë llogarinë e tij TikTok, duke përmendur shqetësimet e sigurisë kombëtare.
Në letrën e tyre, ligjvënësit theksojnë se Biden po injoron rreziqet e sigurisë të paraqitura nga TikTok. Si mund t’i paralajmërojë qeveria federale amerikanët për rreziqet e aplikacionit kur kreu i shtetit po e përdor atë?”
Fushata e demokratit krijoi së fundmi një llogari në TikTok, ku ai postoi për herë të parë video më 11 shkurt, duke synuar të tërheqë votuesit më të rinj.
Videoja e parë ka 9.6 milionë shikime deri më tani, ndërsa llogaria e Biden ka 162,000 ndjekës. Ndër ligjvënësit që nënshkruan letrën janë senatorët Marco Rubio, John Barrasso, Marsha Blackburn, Rick Scott dhe Josh Haëley.
Ata po i kërkojnë Biden të “fshijë llogarinë tuaj dhe të pranojë publikisht kërcënimin e sigurisë kombëtare që paraqet TikTok”. Shtëpia e Bardhë dhe TikTok nuk i janë përgjigjur kërkesave për koment mbi letrën, ndërsa ekipi i fushatës së Biden refuzoi të komentonte.
Javën e kaluar, senatori demokrat Mark Ëarner shprehu shqetësimin për implikimet e sigurisë kombëtare të vendimit të fushatës së Biden për të krijuar një llogari në aplikacion.
“Unë mendoj se ne duhet të gjejmë një mënyrë për të ndjekur Indinë, e cila ka ndaluar TikTok,” tha Ëarner, i cili kryeson Komitetin e Inteligjencës së Senatit.
TikTok, i cili është në pronësi të kompanisë kineze ByteDance, është akuzuar nga shumë politikanë amerikanë si një mjet propagandistik i qeverisë kineze, gjë që kompania e ka mohuar.
Përpjekjet në Kongres për të ndaluar aplikacionin ose për të krijuar mjete të reja për ta kufizuar atë deri më tani kanë qenë të pasuksesshme, ndërsa disa ligjvënës duan që Departamenti i Tregtisë të përfshijë ByteDance në listën e kompanive, eksportet e të cilave kontrollohen.
Në janar, një ekzekutiv i TikTok i tha Kongresit se 170 milionë amerikanë përdorin aplikacionin, nga 150 milionë një vit më parë.
/abcnews.al
