Sipas një sondazhi të fundit (Ipsos – ABC neës), 86% e amerikanëve besojnë se 81-vjeçari Joe Biden është shumë i moshuar për një tjetër mandat katërvjeçar në presidencë (janar 2025 – janar 2029).
Megjithatë, ata që janë të gatshëm të fusin dorën në xhep për të mbështetur financiarisht fushatën elektorale të 81-vjeçarit demokrat, kanë një mendim krejt tjetër.
Deri në fund të janarit, fushata parazgjedhore në favor të kandidaturës presidenciale të Joe Biden kishte arritur të grumbullonte 130 milionë dollarë, ndërsa vetëm në muajin janar donacionet e reja arritën në 42 milionë dollarë.
“130 milionë dollarë për Biden janë më shumë se çdo kandidat demokrat ka mbledhur ndonjëherë në këtë pikë të fushatës,” sipas uebsajtit Gzero, duke cituar një artikull të lidhur me FT.
“Joe Biden mblodhi më shumë se 42 milionë dollarë në janar, duke e çuar arkën e tij në një rekord prej 130 milionë dollarësh përpara zgjedhjeve presidenciale të nëntorit në SHBA, pavarësisht shqetësimeve në rritje për moshën e tij dhe sondazheve.
Për krahasim, republikani Donald Trump deri në fund të dhjetorit të kaluar kishte mbledhur rreth 66 milionë dollarë donacione për fushatën.
/abcnews.al
