Një djalë kinez vetëm 19 vjeç është i destinuar të jete pacienti më i ri në botë me formën e demencës senile të Alzheimerit. Sipas asaj që u botua në Journal of Alzheimer’s Disease nga ekipi i profesorit Jia Jianping, neurolog në Spitalin e Miqësisë dhe Qendrës Kombëtare Kërkimore Klinike për Sëmundjet Geriatrike në Pekin, gjithçka filloi kur ai ishte vetëm 17 vjeç me problemet e përqendrimit në shkollë të mesme.
Ai nuk ishte më në gjendje të lexonte si më parë, kishte vështirësi në përqendrim dhe në kryerjen e detyrave, me deficite të dukshme të kujtesës afatshkurtër.
Për më tepër, i riu nuk ishte në gjendje të mbante mend se ku i kishte vendosur gjërat e tij personale, nëse kishte ngrënë apo pirë tashmë dhe u tërhoq nga familja, transmeton oranews.
“Nëse vërtetohet nga analizat e mëtejshme, ky do të ishte pacienti më i ri në botë”, komenton prof. Paolo Maria Rossini, Shef i Departamentit të Neuroshkencës dhe Neurorehabilitimit të IRCCS San Raffaele.
“Në realitet – shton ai – rastet e shfaqjes të mitur të demencës së Alzheimerit nuk janë një gjë e rrallë dhe një risi, por 19 vjet janë vërtet një rekord.
Pacienti i ri kinez iu nënshtrua një sërë testesh neuropsikologjike të cilat treguan një deficit të dukshëm të kujtesës.
Më pas në një MRI e cila zbuloi një humbje të vëllimit të hipokampit (njësitë e kontrollit të disa llojeve të kujtesës), më pas një PET-FDG tregoi një hipometabolizëm në lobet temporale të dy hemisferave cerebrale, d.m.th. një reduktim të dukshëm të konsumit të energjisë në qendrat e trurit shumë të rëndësishme për memorizimin dhe mësimin.
Rasti i parë i përshkruar në vitin 1906 nga neurologu gjerman nga i cili mori emrin atëherë sëmundja ishte një grua 49-vjeçare.
Në dekadat në vijim dhe veçanërisht në 20 vitet e fundit janë përmirësuar shumë metodat për kryerjen e diagnozës së hershme.
