Miliona italianë që prej ditës së djeshme i janë drejtuar kutive të votimit për të shkurtuar numrin e përfaqësuesve të tyre në parlament dhe për të përcaktuar drejtimin politik të 7 rajoneve të vendit: Veneto, Puglia, Camagnia, Valled’Aosta, Toscana, Marche e Liguria.
Për shkak të pandemisë së Covid 19, këto janë zgjedhjet e para që zhvillohen me rregulla strikte për ruajtjen shëndetit, në kuadër të parandalimit të përhapjes së koronavirusit.
Sipas të dhënave nga Ministria e Brendshme, ndonëse ende nuk janë përfundimtare, pjesëmarrja në referendumin kushtetues për reduktimin e parlamentarëve është rreth 40%.
Sa i përket zgjedhjeve për këshillin rajonal, pjesëmarrja ka qenë rreth 41%.
Votimet do të jenë të hapura edhe gjatë ditës së sotme, nga ora 7:00 në 15:00.
Në zgjedhjet rajonale e komunale 2020 në Itali, kandidojnë dhe rreth 50 emigrantë shqiptarë të cilët janë aktivistë e përkrahës të forcave të ndryshme politike që kandidojnë në lista civile apo grupime politike.
/abcnews.al/
