Loading ...
E ardhmja e Paul Pogba është e ndarë mes Juventusit dhe Real Madrid. Kampioni i Botës do të largohet nga Manchester United, por nuk ka vendosur akoma për skuadrën e radhës në karrierë. Christophe Dugarry e cilëson si përforcimin e duhur për “Los Blancos”.
Ish-kampioni i Botës dhe Evropianit me Francën, e vlerëson shumë 27-vjeçarin në një prononcim për RMC Sport. Dugarry fton klubin spanjoll të investojë te Pogba, i cili ka aftësinë për të shënuar gola.
“E kemi vënë re të gjithë që skuadra e Real Madrid po plaket disi. Pogba mund të jetë garancia e duhur në mesfushë. Ai djalë është i aftë në shënimin e golave, mendoj se është ideali për t’i dhënë Realit atë që i mungon.
Ky vit ka qenë i vështirë për të, ka pësuar dëmtime dhe Manchester United ka hasur probleme, por sa herë që ka luajtur ia ka dalë të rikthehet në nivelin e tij më të mirë“, deklaron Dugarry. /abcnews.al
