I takon ky pozicion dhe vazhdimisht ndodhet aty. Reali nuk është vetëm skuadra me të ardhurat më të mëdha në futbollin botëror, e ndoshta edhe në të gjithë sportin profesionist në rruzull, por edhe po kryeson në Kupën e Botës për Klubet.
Përtej faktit se të besuarit e trajnerit Shabi Alonso nuk kanë shkëlqyer siç duhet, fitimet nuk kanë munguar, përkundrazi.
Mediat spanjolle, konkretisht e përditshmja “Marka”, raportojnë se madrilenët janë skuadra me më shumë para të marra deri tani në turneun e madh që po mbahet në Shtetet e Bashkuara të Amerikës.
Reali ka 54.83 milionë euro të ardhura deri tani në 4 ndeshje, pra në grup dhe në raundin e dytë, si dhe për faktin se është kualifikuar në çerekfinale.
E ndjek Bajerni, me një diferencë që nuk është e madhe.
Bavarezët kanë fituar deri tani 48.97 milionë euro, ndërsa thuajse në të njëjtat pozita është edhe Paris SG, rivali I gjermanëve në këtë raund.
Francezët kanë arkëtuar 48.37 milionë euro.
Nuk është keq as Dortmundi me mbi 45 milionë euro të ardhura, ndërsa skuadrat europiane zënë katër vendet e para.
E habitshme disi që Çelsi është ekipi I parafundit për këto përfitime, I lënë prapa nga dy skuadrat e Brazilit, Palmeiras e Fluminense.
Londinezët kanë futur në xhep 32.77 milionë euro, ndërsa listën e çerekfinalistëve e mbyll Al Hilali saudit me vetëm 29.39 milionë.
Kush kalon në gjysmëfinale merr 18.06 milionë euro, finalistët nga 25.8 milionë, ndërsa kampionia do të marrë edhe 34.3 milionë euro.
