Paul Pogba është objektivi i madh i Real Madrid. Zinedine Zidane ka një raport shumë të mirë me mesfushorin e Manchester United dhe “Los Blancos” po tentojnë me çdo mënyrë transferimin e 26-vjeçarit në “Santiago Bernabeu”.
The Sun zbulon veprimin e fundit të spanjollëve, të cilët i kanë ofruar “Djajve të Kuq” të zgjedhë një prej këtyre lojtarëve: Gareth Bale, Isco, Luka Modric dhe Toni Kroos. Klubi anglez mund të zgjedhë kë të dojë prej tyre, mjafton të pranojë largimin e francezit.
Përfshirja e një prej 4 lojtarëve shoqëruar me një shumë parash është oferta e fundit e Realit, por fjala e fundit i takon Manchester United dhe trajnerit Ole Gunnar Solskjaer. /abcnews.al
