Real Madridi ka probleme serioze për të zgjidhur mangësitë në qendër të sulmuesit, dhe pikërisht protagonisti aktual i sulmit të skuadrës është Karim Benzema.
Mesa duket rinovimi i francezit është paralizuar për një arsye të veçantë dhe siç e ka publikuar pak orë më parë Fichajes.net, ylli francez ka kërkuar më shumë para.
Duket se këto rrethana nuk i pëlqejnë Real Madridit dhe për këtë arsye për momentin nuk ka asnjë shenjë rinovimi mes dy palëve. Kujtojmë që Karim Benzema i përfundon kontrata në fund të sezonit, ndaj nëse nuk do të ketë marrëveshje të menjëhershme, përveç faktit që francezi do të largohej si lojtar i lirë, klubi madrilen do të detyrohej të nënshkruante jo vetëm me një, sulmues por me 2.
Me këto probleme në tavolinë, Real Madrid mund të konsiderojë të bëjë gjithçka për nënshkrimin e Erling Haaland. Lojtari i Manchester City ka qenë prej kohësh një nga dëshirat e Florentinos Perez dhe me largimin e Benzemas mund të vijë koha ideale për ardhjen e tij. U fol për vitin 2024, por e vërteta është se këto rrethana të papritura mund të detyrojnë Los Blancos të lëvizin para kohe për të marrë norvegjezin. /G.D abcnews.al/
Burimi: Fichajes
