Real i hap rrugën për Torino Marcelos, Inter merr ofertë për një “të rilindur”

schedule08:15 - 24 Mars, 2021

schedule 08:15 - 24 Mars, 2021

Juventur nuk ndalet dhe dëshiron të forcohet sa më shumë për të synuar edhe një herë tjetër Champions League. Formula e zgjedhur është sjellja e specialistëve të këtij kompeticioni dhe një prej tyre është padyshim madrileni Marcelo.

Braziliani, 4 herë fitues i Champions me Realin, nuk është më titullar në formacionin e Zidane dhe kërkon të lërë klubin për të nisur një aventurë të re pas 14 vitesh te ”Los Blancos”. Kontrata e tij skadon në fund të sezonit të ardhshëm, por nga ajo që bëhet me dije largimi mund të ndodhë në verë.

 

Drejtuesit e Los Blancos janë gati ta lënë të lirë brazilianin që fund të këtij sezoni, si shenjë mirënjohje për atë që ka dhënë për fanellën e bardhë, me të cilën fitoi çdo gjë që i doli para. Kështu, Juventus hyn në garë për të, teksa edhe Beckham dëshiron ta afrojë te Inter Miami.

 

Joao Mario kur ishte pjesë e Interit

Zhvillime ka edhe te Interi. Joao Mario, prej dy vitesh në huazim, është rilindur te Sporting Lisbon dhe është drejt fitimit të titullit me klubin e njohur. Kryesuesit e ligës së parë portugeze i bëjnë Interit një ofertë prej 10 milionë eurosh për të. Inter është gati ta shesë dhe kanë nisur bisedimet konkrete. /abcnews.al