Fundi i muajit mars sjell rikthimin e kombëtareve në fushën e blertë. Kosova luan miqësore me Lituaninë (24 mars), teksa më pas është radha e dy takimeve për eliminatoret e Botërorit Katar 2022. Dardanët presin Suedinë në Prishtinë (28 mars), teksa tre ditë më vonë udhëtojnë drejt Spanjës për t’u ndeshur me djemtë e Luis Enrique.
Spanja është ndër të paktat vende evropiane që nuk e kanë njohur akoma Kosovën si shtet të pavarur. Takimi do të luhet në Sevilla, por Marca raporton se iberikët nuk do e trajtojnë kundërshtarin si shtet sovran. Me shumë mundësi flamuri i Kosovës nuk do të jetë përkrah atij spanjoll në stadiumin andaluzian, teksa himni kombëtar i Kosovës do të prezantohet si muzika e dhuruar nga territori i Kosovës.
Një gjë e tillë ka sjellë reagimin e Muharrem Sahitit, drejtorit sportiv të përfaqësueses së Kosovës. Ky i fundit ka bërë një prononcim për gazetën Express, ku ndër të tjera thotë: “Nuk pranojmë në asnjë formë që të mos respektohen simbolet e shtetit tonë. Jemi në kontakt të përditshëm me UEFA-n, Spanja nuk mund të vendosë në kokë të vet“.
Бетим Альими получил вызов в национальную сборную Косовоhttps://t.co/yL54PYZ8VY pic.twitter.com/H5EbTbcSUT
— FC Olympic (@fcolympic_don) March 9, 2021
Ndërkohë, ka dalë emri i futbollistit të parë që do të jetë pjesë e listës së Kosovës për tre duelet e radhës. Ai është Betim Alimi. Ish-portieri i kampionëve të Dritës, është pjesë e ekipit të Olympic Donetsk. Me anë të një postimi në Twitter, klubi ukrainas zbulon se “gardiani” shqiptar ka marrë ftesë zyrtare nga Kosova dhe do të grumbullohet nga trajneri Challandes. /abcnews.al
