Ka qenë një nga arsyet kryesore pse Dani Alves nuk ka arritur lirinë e përkohshme. Sipas medias braziliane UOL, çështja Robinho ishte një nga pikat kyçe në mbrojtjen e viktimës në “çështjen Alves”.
Kujtojmë se Robinho u dënua për një përdhunim në grup në Itali. Lojtari brazilian ndodhej në Brazil në momentin e ratifikimit të dënimit, për këtë arsye, duke qenë se nuk kishte marrëveshje ekstradimi me atë vend, ai nuk mund të dërgohej për të vuajtur dënimin në shtetin evropian, shkruan abcnews.al.
Prokuroria kishte frikë se, nëse Alves do të lirohej, ai do të udhëtonte në Brazil duke e bërë të pamundur kapjen e tij nëse në fund shpallej fajtor për përdhunimin e dyshuar.
Mbrojtja e lojtarit bëri një apel javën e kaluar duke kërkuar lirimin e përkohshëm duke vënë në tryezë tërheqjen e pasaportës, dhe një byzylyk telematik.
Pavarësisht se gjithçka tregon se nuk do të ketë dalje nga burgu Brians 2, do të jetë gjyqtari ai që duhet të vendosë se ku do të kalojë ditët Dani Alves deri në mbajtjen e gjyqit përfundimtar. /G.D abcnews.al/
