Suedia ka pezulluar përdorimin e Johnson & Johnson në pritje të një hetimi nga Agjencia Europiane e Barnave (EMA).
Në një njoftim mediatik të mërkurën, Agjencia Europiane e Barnave tha se ” përfitimet e vaksinës në parandalimin e Covid-19 tejkalojnë rreziqet e efekteve anësore”.
Agjencia, e cila është përgjegjëse për verifikimin e sigurisë së vaksinave për Bashkimin Europian, gjithashtu tha se ata ende po hetojnë rastet shumë të rralla të mpiksjes së gjakut pas vaksinimit me Johnson & Johnson.
EMA pritet të japë një vendim javën e ardhshme.
Të martën, Qendrat Amerikane për Kontrollin dhe Parandalimin e Sëmundjeve dhe Administrata Amerikane e Ushqimit dhe Barnave rekomanduan që Shtetet e Bashkuara të ndërpresin përdorimin e vaksinës Johnson & Johnson pas gjashtë rasteve të mpiksjes së gjakut./abcnews.al
