Marcus Rashford është optimist për të ardhmen e Manchester United, edhe pse skuadra e tij u mposht me penallti në finalen e Europa League nga spanjollët e Villareal. Sulmuesi anglez, pas ndeshjes me spanjollët foli për BT Sport.
“Ekipi nuk do të dorëzohet, nuk ka shans të ndodhë kjo. Trajneri nuk do të na lërë të dorëzohemi. Ne do të futemi në sezonin e ardhshëm me dëshirë më të madhe.
Njerëzit flasin shumë për Manchester United, që po bie e bla, bla, bla të tjerë. Për mua kemi gjithçka për të garuar në nivele të larta, jemi klub i madh, kemi dëshirë, uri, talent, aftësi dhe skuadër.
Thjesht duhet t’ia tregojmë botës dhe vetes, që i përkasim nivele të larta dhe pse duhet t’i fitojmë finale si kjo.
Manchester City doli kampion, ne të dytët. Nuk do të thotë asgjë. Villareal fitoi Europa League, ne e mbyllëm të dytët. Për ne nuk është asgjë.
Nuk dua të dëgjoj se ishim shumë afër, pasi nuk do të thotë asgjë. Ka një fitues dhe një humbës. Ne humbëm këtë herë. Duhet të gjejmë pse dhe herën tjetër të sigurohemi që të mos ndodhë diçka e tillë”. / abcnews.al
