Një ekip ekspertësh ligjorë ndërkombëtarë së fundmi kanë deklaruar se të burgosurit e mbajtur në qendrat e paraburgimit të improvizuara në Ukrainën jugore të pushtuar nga Rusia janë torturuar dhe dhunuar seksualisht.
Ekipi Mobil i Drejtësisë, i krijuar nga firma ndërkombëtare juridike humanitare Global Rights Compliance, ka punuar me prokurorët ukrainas të krimeve të luftës në rajonin e Khersonit që kur u rikthye në nëntor pas më shumë se tetë muajsh nën kontrollin rus.
Pas analizimit të 320 rasteve dhe rrëfimeve të dëshmitarëve në 35 vendndodhje në rajon, 43% thanë se kishin përjetuar tortura në qendrat e paraburgimit, duke përmendur dhunën seksuale si një taktikë të zakonshme të imponuar nga rojet ruse.
Mediat e huaja shkruajnë se teknikat e torturës më të përdorura ishin mbytja, zhytja në ujë, rrahjet e rënda dhe kërcënimet për përdhunim, zbuloi raporti i grupit. Sipas raportit thuhet se të paktën 36 viktima të intervistuara nga prokurorët përmendën përdorimin e goditjes elektrike gjatë marrjes në pyetje, duke përfshirë goditjen me energji gjenitale, si dhe kërcënimet për gjymtim gjenital.
Një viktimë u detyrua të dëshmojë përdhunimin e një të arrestuari tjetër.
Personeli ushtarak kishte më shumë gjasa t’i nënshtrohej torturës nga rojet ruse, por në shënjestër ishin gjithashtu forcat e rendit, vullnetarët, aktivistët, udhëheqësit e komunitetit, punonjësit e mjekësisë dhe mësuesit.
Autoritetet ukrainase po shqyrtojnë më shumë se 97,000 raporte për krime lufte dhe kanë ngritur akuza kundër 220 të dyshuarve në gjykatat vendase.
“Shkalla e vërtetë e krimeve të luftës të Rusisë mbetet e panjohur,” tha Anna Mykytenko, këshilltare e lartë ligjore në Global Rights Compliance.
Ndërkohë dëshmitë nga qendrat e paraburgimit të çliruara “sugjerojnë se plani i Putinit për të shuar identitetin ukrainas përfshin një sërë krimesh që nxisin gjenocidin”, ka thënë avokati britanik Wayne Jordash, i cili drejtoi ekipin./abcnews.al
