Hamasi përdori një rrjet telefonik sekret të ndërtuar në një tunel nëntokësor për të planifikuar sulmet ndaj Izraelit gjatë dy viteve, sipas një raporti. Dy burime thanë për CNN se linjat telefonike i lejonin militantët të flisnin me njëri-tjetrin në fshehtësi për planet e tyre, të pa gjurmuara nga inteligjenca izraelite.
“Qeliza e vogël” e luftëtarëve shmangi përdorimin e kompjuterëve ose telefonave celularë gjatë periudhës dyvjeçare, thanë burimet për rrjetin televiziv.
Inteligjenca e ndarë me zyrtarët amerikanë nga Izraeli zbulon se Hamasi i fshehu planet e tyre përmes “masave të modës së vjetër të kundërzbulimit, të tilla si kryerja e takimeve personalisht dhe qëndrimi jashtë komunikimit dixhital”, raportoi CNN.
Shefi i shtabit të ushtrisë izraelite, kreu i inteligjencës ushtarake dhe kreu i shërbimit të inteligjencës Shin Bet kanë pranuar të gjithë se shërbimet e tyre dështuan në parandalimin e sulmeve vdekjeprurëse të Hamasit më 7 tetor.
