Skuadra e Lecce po përballet me rivalët e Genoa, në kuadër të javës së 5-të të Kampionatit italian të futbollit, Serie A, ndeshjen në të cilën Lecce e Ylber Ramadanit do të kërkojë të ruajë ecurinë pozitive të këtij fillim sezoni.
Duke folur para nisjes së sfidës, mesfushori i Kombëtares shqiptare theksoi se ky takim është shumë i rëndësishëm për objektivat e ekipit të tij, me këta të fundit që deri më tani kanë patur një nisje “magjike” të sezonit.
“Katër ndeshjet e para duhet t’i harrojmë. Ndeshja e sotme është e rëndësishme për objektivin tonë. Sot duhet ta posedojmë dhe ta lëvizim topin sa më shpejt”,- u shpreh Ramadani para fillimit të ndeshjes. /i.m /abcnews.al
