Pak kush ka dëgjuar për Majën e Kunorës në Pllanë të Lezhës.
Edhe më të paktë janë ata që janë ngjitur deri atje për të zbuluar një qytezë mbi 100 vjeçare që austro-hungarezët ngritën për ushtarët e tyre.
Për të mbërritur në malin që poshtë tij fsheh disa tunele, ku mbaheshin arsenalet e armëve dhe dhomat ku banonin, duhet të përshkosh një terren shumë të vështirë.
Gjurmë të rrugës që mendohet se kanë ndërtuar austro hungarezët 1 shekull shkuar gjenden lehtësisht gjatë udhëtimit.
Për të lehtësuar mbërritjen e atyre që në të ardhmen mund të bëhen kureshtarë për historinë e kësaj qyteze, disa të rinj janë angazhuar për të hapur shtegun dhe për të vendosur sinjalistike.
Tunelet që austro hungarezet ndërtuan për ushtarët e tyre janë ende në gjendje të mirë.
Me sa kanë mundur janë kujdesur edhe banorët.
Në majën e Kunorës shihen ende gjurmët e ndërtesave, pozicionet ku kanë qenë vendosur artileria, ndërsa në brendësi ndodhet edhe një luginë.
/abcnews.al
