Goli i Bernard Berishës ishte fantastik, ndërkohë që festa shkaktoi polemika. Trajneri Bernard Challandes e pranoi se mesfushori anësor e kishte me të. “Po, ishte për mua gjesti i tij, nuk kam ndonjë problem personal me të (qesh), por s’ka gjë, ishte i emocionuar”, tha tekniku zviceran pas ndeshjes.
Vetë Berisha u shpreh se nuk e kishte me trajnerin: “Festa nuk kishte të bënte me trajnerin. Nuk kam luajtur asnjë minutë në dy vitet e fundit me Kosovën. Nuk e kisha me të, ai vendos dhe unë do të jem i gatshëm gjithmonë si një ushtar që vjen të kontribuojë për ekipin”.
Por çfarë mendon menaxheri i Berishës, Shkumbin Qormemeti. “Uroj që trajneri Challandes ta ketë kuptuar kush është Bernard Berisha”, shkruan ai në rrjetet sociale, duke konfirmuar pakënaqësitë e Berishës për hapësirat e dhëna te përfaqësuesja e Kosovës. /abcnews.al
