Qindra njerëz demonstruan të dielën në Tripoli, në Libanin verior, për të kërkuar lirimin e të burgosurve islamikë të arrestuar gjatë luftës civile në Sirinë fqinje, sipas Agence France-Presse (AFP).
Midis këtyre të arrestuarve janë libanezë që u larguan për të luftuar në Siri përkrah fraksioneve rebele dhe xhihadiste pas fillimit të konfliktit në vitin 2011, i cili la më shumë se gjysmë milioni të vdekur.
Të mbledhur në sheshin Al-Nour, demonstruesit ngritën flamujt e shehadetit të shkruar në të zezë në një sfond të bardhë.
“Ne e dimë se të burgosurit islamikë (…) u arrestuan gjatë revolucionit sirian”, tha një 32 vjeçar, duke shtuar se ata duhet të lirohen tani që regjimi i Bashar al-Assad ka rënë në Siri./abcnews.al
