Loading ...
Një fenomen i jashtëzakonshëm ka tërhequr vëmendjen e banorëve të Australisë, ku një stuhi pluhuri e shkaktuar nga cikloni tropikal Narelle ka transformuar qiellin në një nuancë dramatike të kuqe.
Ngjyra e pazakontë e qiellit u krijua nga kombinimi i rërës së ngritur nga erërat e forta dhe dritës së diellit që perëndonte, duke krijuar një spektakël vizual që ngjante me pamje apokaliptike.
Pamjet e marra nga banorët dhe turistët, veçanërisht në zonën e Shark Bay Caravan Park, tregojnë rërën që mbulon gjithçka, ndërsa qytetarët përgatiteshin për të përballuar ndikimet e ciklonit.
Stafi i parkut komentoi në rrjetet sociale:
“Shumë e çuditshme jashtë dhe gjithçka është e mbuluar me pluhur. Ende nuk ka shumë erë. Shpresojmë që të bjerë mjaftueshëm shi për ta larë të gjithë këtë pluhur”, deklaroi ai.
