Qeveria e Malit të Zi ka publikuar listën e pagave të zyrtarëve publikë për muajin janar të këtij viti.
Bëhet e ditur se tashmë ish-kryeministri malazez, Zdravko Krivokapiç ka marrë pagë neto prej 2300 eurove.
Në të njëjtin raport thuhet se zëvendëskryeministri, Dritan Abazoviç është paguar 1732 euro, ndërsa sekretari i përgjithshëm i qeverisë, Zana Prasceviç Milaçiq u pagua 1503 euro.
Sipas një dokumenti të publikuar në faqen e Qeverisë së Malit të Zi, zëvendësi i saj, Nikola Kandiç ka fituar 1448 euro në janar.
Shefja e kabinetit të kryeministrit, Ivana Maloviç ka marrë pagën e muajit janar prej 1478 eurove, ndërsa këshilltari i kryeministrit, Dejan Abazoviç rreth 1670 euro.
Këshilltarja e kryeministrit për media, Ananije Jovanoviç, në janar ishte paguar 1410 euro, ndërsa këshilltari i kryeministrit për siguri, Vojo Lakoviç rreth 1740 euro.
Kryenegociatorja e Malit të Zi me Bashkimin Evropian (BE), Zorka Kordiç, mori një pagë neto prej 1,650 eurove në muajin janar.
Përfaqësuesja e Malit të Zi para Gjykatës Evropiane për të Drejtat e Njeriut në Strasburg, Valentina Pavliçiç, mori një pagë prej pak më shumë se një mijë euro në janar.
