Qeveria australiane ofron një shpërblim prej një milion dollarësh për këdo që jep informacione të cilat mund të çojnë në gjetjen e Cleo Smith, vogëlushes 4 vjeçare të zhdukur natën e 16 tetorit teksa ndodhej në kamping me familjen e saj, shkruan CNN
Por shpërblimi vlen dhe për këdo që bën të mundur arrestimin e përgjegjësve, pasi policia gjithnjë e më shumë mbështetet tek pista e rrëmbimit. Pushimet në bregun Koral, janë transformuar në një ankth për familjen e 4 vjeçares. Nëna e saj Eli, u zgjua në 6 të mëngjesit të së shtunës, nga vajza më e vogël, dhe vuri re se Cloe nuk ishte më aty.
Gruaja dhe partneri i saj filluan menjëherë kërkimet por nuk mundën ta gjejnë. Më pas njoftuan policinë, e cila nisi kërkimet me helikopterë dhe dronë në zonë. Ajo ka të veshur vetëm një palë tuta rozë me vizatime të verdha dhe blu, raporton abcnews.al
Historia e Cleos ka kthyer dhe njëherë në kujtesë, të paktën në Europë, historinë e Medi Meken, vogëlushes britanike e cila u zhduk teksa ndodhej për pushime me familjen e saj në Portugali në vitin 2007./abcnews.al
