Interi po humbiste deri në minutën e 84-t në fushën e Parma, por mbrojtësit Bastoni dhe De Vrij shënuan dy herë brenda tre minutave, duke realizuar një përmbysje fantastike. Zikaltrit morën tre pikët pas fitores 1-2, konfirmohen në vend të tretë dhe diferenca me Atalantën ka shkuar sërish katër pikë.
Mbrojtësi holandez gjeti golin e tretë sezonal dhe nuk e fshehu lumturinë e tij në një prononcim për Inter TV. “U gjenda në vendin e duhur në momentin e duhur. Jam i kënaqur për golin dhe fitoren“, komenton De Vrij, i cili analizon ndeshjen dhe flet për formën që po kalon.
“Gjithmonë përpiqemi të luajmë bukur dhe të krijojmë raste. Vuajtëm pak nga kundërsulmet e Parmës, ata janë të aftë në daljet e shpejta përpara. Nuk është e vështirë kur pëson gol, por ia dolëm të përmbysim rezultatin.
Gjendja ime? Po përmirësohem dhe tentoj të jap maksimumin në çdo takim. Kjo përmbysje në minutat e fundit është shumë e rëndësishme për shpirtin e skuadrës tonë. Ndeshjet janë të ngjeshura dhe duhet të jemi gjithmonë gati“, përfundon De Vrij. /abcnews.al
