Loading ...
4 ditë pas protestës së paralajmëruar, shoferët e kamionëve të Ballkanit Perëndimor thonë që do e përshkallëzojnë qëndrimin e tyre nëse insitucionet e bashkimit europian nuk do të japin zgjidhje.
Kjo është situate në pikën e kalimit kufitar të Qafë Thanës, më e madhja në juglindjen e vendit që lidh Shqipërinë me Maqedoninë e Veriut, ku mjetet e tonazhit të rëndë vijojnë të qëndrojnë të bllokuara.
Shqipëria është e prekur po ashtu nga kjo protestë, e më konkretisht në pikën e kalimit kufitar të Hanit të Hotit dhe në Qafë Thanë, aty ku kamionët qëndrojnë në radhë të gjata.
Shoqata e kamionistëve të Maqedonisë së Veriut më herët paralajmëroi se protesta do zgjaste 7 ditë, por mund të shkojë edhe më tepër nëse nuk marrin zgjidhje.
Kjo shoqatë transportuesish në Maqedoninë e Veriut po vijon protesten në 10 pika kufitare, me pjesëmarrjen e rreth 370 kamionistëve. Ata protestojnë kundër zbatimit të sistemit të ri elektronik të hyrje-daljeve në zonën Schengen, duke kërkuar zgjatjen e ditëve të qendrimit .
Autoritetet maqedonase kanë shprehur mbështetje për shqetësimet e transportuesve dhe po kërkojnë zgjidhje, ndërsa protesta pritet të ketë ndikim të ndjeshëm ekonomik në rajon.
