Një “front” i ri me Perëndimin ka filluar nga Kremlini, duke nacionalizuar filialet ruse të gjigantëve perëndimorë dhe duke emëruar “emigrantë” në krye, me Vladimir Putin që rigjallëroi hartën e biznesit të vendit pas luftës.
Moska ka marrë kontrollin e degës ruse të gjigantit ushqimor me bazë në Paris, Danone, si dhe fabrikën lokale të birrës Baltika, sipas një dekreti të nënshkruar nga Putin që thotë se shteti do të menaxhojë “përkohësisht” aksionet e tyre.
Filialet ruse të Uniper të Gjermanisë dhe Fortum të Finlandës tashmë ishin nën kontrollin e shtetit në prill, me paralajmërimin e Kremlinit në atë kohë se do të konfiskonte më shumë asete perëndimore si “hakmarrje për lëvizjet kundër kompanive ruse jashtë vendit”.
Drejtori i përgjithshëm i Danone u zëvëndësua nga nipi i liderit çeçen Ramzhan Kadyrov, Yakub Zakriev, zëvendëskryeministër i Çeçenisë dhe ministër i Bujqësisë.
Djali i një prej motrave më të mëdha të Kadyrov, studioi ekonomi në Universitetin Shtetëror të Moskës dhe ka shërbyer në qeverinë çeçene në funksione të ndryshme që nga viti 2013, raporton abcnews.al.
Aleatët e ngushtë të Putinit, Yuri dhe Mikhail Kovalchuk, kanë shprehur interes për Baltika me bazë në Shën Petersburg, sipas Financial Times, ndërsa Taimuraz Boloev, i cili drejtoi fabrikën e birrës nga 1991 deri në 2004, tashmë është bërë kryetar.
Filiali rus i Carlsberg prodhon disa nga markat më të njohura të birrës në Rusi dhe punëson 8,400 njerëz në tetë fabrika. Moska mori nën kontroll degën ruse të Danone, aksionet e Carlsberg të Danimarkës në Baltika dhe, që nga prilli, Uniper të Gjermanisë dhe Fortum të Finlandës.
Emërimi i njerëzve në rrethin e brendshëm të Putinit është një tjetër tregues i gamës së transfertave të aseteve që po ndodhin në Rusi pas luftës në Ukrainë, e cila shkaktoi krizën më të madhe në marrëdhëniet e Moskës me Perëndimin që nga kriza e raketave Kubane të vitit 1962.
Ndërsa shumë investitorë perëndimorë po largohen nga Moska, shteti rus po fiton kontrollin nominal, por ata të emëruar nga shteti për të menaxhuar ndikimin e madh të aseteve të Rusisë në kohën e luftës.
Emërimi i nipit të Kadyrov, në veçanti, shënon fundin e një “eksperimenti” 30-vjeçar nga Danone, i cili hapi një baxho pranë Sheshit të Kuq një vit pas rënies së Bashkimit Sovjetik në 1991.
Ndërsa kaosi i viteve 1990 filloi të qetësohej, Rusia shihej si një treg i rëndësishëm, me konsum relativisht të ulët të qumështit sipas standardeve europiane dhe rritje shpërthyese në fuqinë blerëse.
Danone kërkoi aleanca me “lojtarë” të mëdhenj vendas, duke fituar të paktën 1/5 e tregut të qumështit në vend.
Pasi u sekuestruan asetet e saj, ajo po monitoron nga afër situatën në Rusi, duke vënë theksin te siguria e 7500 punonjësve të saj në 13 fabrika, ndërsa po shqyrton opsionet e saj ligjore, raporton abcnews.al.
Pushtimi i Ukrainës shtyu SHBA-në dhe aleatët e saj të vendosin sanksionet më të ashpra në historinë moderne ndaj Rusisë dhe elitës së saj të biznesit, hapa që Putin i cilësoi si një shpallje të “luftës ekonomike”.
Presidenti rus ka thënë që atëherë se Rusia nuk ka nevojë për Perëndimin, do të varet nga burimet e saj të mëdha dhe ka filluar t’i drejtohet Kinës dhe fuqive të tjera.
Më shumë se 1000 kompani të mëdha u zotuan të largohen nga Rusia pas fillimit të luftës, por disa gjigantë biznesi duket se kanë qëndruar.
Në krye të listës është gjiganti i njohur holandez i birrës Heineken, i cili mban shtatë fabrika birre dhe 1800 punonjës në Rusi, ndërkohë që lançon një sërë markash të reja, duke përfituar nga boshllëku i tregut të shkaktuar nga ikja e lojtarëve të tjerë të mëdhenj në industri.
/abcnews.al
