Presidenti i Rusisë, Vladimir Putin, këtë të martë është injektuar me vaksinën anti Covid.
Mediat vendase bëjnë me dije se presidenti Putin mori vaksinën kundër koronavirusit dhe ndihet mirë. Ndër të tjera më parë u raportua se ka vendosur qëllimisht që të mos e zbulojë emrin e vaksinës së prodhuar në Rusi, që Putin ka zgjedhur të marrë.
Në Rusi ka hezitim të madh për vaksinimin kundër koronavirusit. Ndërkohë deri më tani 4.3 milionë rusë kanë marrë dy doza të vaksinës, që do të thotë më pak se 5 për qind e popullsisë 146-milionëshe.
Rusia ka numrin e katërt më të lartë në botë të infektimeve me koronavirus: mbi 4.4 milionë. Numri i viktimave atje është mbi 94,000.
Rusia ka zhvilluar tri vaksina kundër koronavirusit: Sputnik V, EpiVaçorona dhe CoviVac. Ajo ka miratuar Sputnik V-në në muajin gusht, duke u bërë vendi i parë në botë me vaksinë kundër koronavirusit.
Kjo ka bërë që shkencëtarët në gjithë botën të vënë në dyshim sigurinë dhe efikasitetin e saj, pasi ajo është regjistruar përpara se studimet e fazës së tretë të testimit të bëheshin të disponueshme./abcnews.al
