Presidenti rus Vladimir Putin nënshkroi të martën një dekret për marrjen e masave të mundshme hakmarrëse nëse konfiskohen asetet ruse jashtë vendit, njoftoi agjencia shtetërore ruse e lajmeve TASS.
Dekreti, i cili u publikua gjithashtu në faqen e internetit të Kremlinit, thekson se nëse asetet ruse sekuestrohen nga “vendet armiqësore”, Moska do t’i vendosë asetet e huaja në Rusi nën kontrollin e saj të përkohshëm, sipas TASS.
Në dekret gjithashtu thuhet se menaxhimi i përkohshëm i aseteve mund të anulohet dhe zhbëhet vetëm nëse vendos presidenti rus.
TASS raportoi se Moska menaxhon përkohësisht asetet e distributorit të gazit, divizioni rus i Uniper SE.
/abcnews.al
