Në konferencën e përvitshme, presidenti rus Vladimir Putin deklaroi se Rusia është një nga vendet që e ka menaxhuar më mirë pandeminë e Covid 19.
“Duke marrë në konsideratë sasinë e madhe të problemeve me të cilat jemi përballur, mund të themi me shumë besim se i kemi menaxhuar mirë, ndoshta më mirë se vendet e tjera të botës”.
“Asnjë sistem shëndetësor në botë nuk ishte gati për një problem të përmasave të tilla si kjo e pandemisë së Kovid 19. Prodhimi i maskave në Rusi për shembull është 20-fishuar që nga fillimi i pandemisë.
Gjithashtu presidenti rus deklaroi se do të vaksinohet sa më shpejt të jetë e mundur për moshën e tij.
“Vaksinimi masiv është mënyra më e mirë për të kaluar pandeminë, do të krijojë imunitetin e tufës”, tha Putin./abcnews.al
