Punonjësit e Starbucks kanë nisur këtë të premte një grevë pesëditore në dyqanet e Los Angelos, Chicago dhe Seattle. Raportohet se numri i personave të përfshirë në grevë është në rreth 10,000 baristë. Motivacioni i kësaj greve kanë qenë çështjet e pazgjidhura lidhur me pagat, stafin dhe oraret.
Ndërkohë përmendim që ky nuk është episodi i vetëm gjatë këtyre viteve ku punonjësit janë ngritur në grevë lidhur me punëdhënësit e tyre.
Sipas të dhënave nga Zyra e Statistikave të Punës në SHBA, u regjistruan 33 ndërprerje pune në vitin 2023, më shumë se çdo vit që nga 2000-ta, megjithatë kjo shifër është shumë më e ulët krahasuar me dekadat e kaluara.
Në Starbucks, sindikata Workers United, që përfaqëson punonjësit në 525 dyqane në SHBA, tha se grevat do të përshkallëzohej çdo ditë dhe mund të arrijnë “qindra dyqane” në të gjithë vendin deri në natën e Krishtlindjeve.
Starbucks refuzoi të komentonte mbi numrin e dyqaneve të prekur nga greva dhe numrin e punonjësve në grevë, por theksoi se nuk kishte pasur ndonjë ndikim të rëndësishëm në vijimësinë e punës. / abcnews.al
