Ledri Vula sapo ka publikuar projektin më të ri me titull “Don Mo”. Ashtu siç ishte paralajmëruar, pjesë e klipit që është xhiruar në Dubai është dhe modelja Morena Taraku. Kënga është prodhuar nga BigBang ndërsa për tekstin është kujdesur vetë reperi.
“Ti mos em thuj se nuk don mo, don mo. Veç se ke ni se une jom nxon, se për ty une dal, ku po shihemi vajzo”, thuhet në refren. Si gjithmonë, modelja shfaqet më tërheqëse se kurrë në klip. Kënga është pritur mirë deri më tani dhe kanë qenë të shumë ata që e kanë vlerësuar Ledrin për stilin e veçantë të të kënduarit.
Ledri udhëtoi drejt Dubait me Sarën dhe Poem Blu pak javë më parë për pushime por shumë shpejt u mësua se reperi po punonte për projektin e ri. Pak ditë më parë, ai publikoi një sekuencë nga klipi, që u bë shumë shpejt virale në TikTok. Sakaq, është mësuar se Ledri pritet të vijë me një duet dhe me Kidën, që padyshim do të jetë një hit. /abcnews.al
