PSG përdori llogari të rreme në Twitter për të kritikuar Kylian Mbappe.
Kështu thuhet në investigimin e Mediapart. Klubi i Parisit dyshohet se ka kryer fushata “të pista dhe mizore” për të fyer gazetarët, mediat, klubet dhe Mbappe.
Llogaritë e rreme filluan të kritikojnë sulmuesin në vitin 2019, kur u shfaqën thashethemet për largimin e tij në Real Madrid. Për shembull, llogaria @PanameSquad i kërkoi Mbappes të “punonte në heshtje” kur Kylian njoftoi se donte të qëndronte në ekip edhe pse u eliminua nga Liga e Kampionëve.
Nga i njëjti llogari, Mbappe u kritikua se tha se duhet të marrë më shumë përgjegjësi. “Sikur të mund të bënit presion në fushë kështu”, thuhej në një mesazh.
Fushata u organizuan edhe kundër disa gazetarëve, si dhe kundër një vajze që akuzoi Neymarin për përdhunim. E gjithë kjo u organizua nga agjencia Digital Big Brother dhe u mbikëqyr nga departamenti i komunikimit të PSG. Pretendohet se janë përdorur “ushtri” të tëra llogarish false.
Klubi i mohoi akuzat: “Klubi nuk ka lidhur asnjëherë kontrata me agjencinë me qëllim të dëmtimit të individëve dhe institucioneve”. /G.D abcnews.al/
