Kur ne përmendim fjalën çokollatë shumë mendime na vinë në kokë, ne duam që të hamë përsëri ose t’i shpëtojmë varësisë që kemi krijuar ndaj tyre, por pavarësisht kësaj nuk mundemi.
Por pas disa studimeve shkenca e ka një shpjegim se pse ne e duam çokollatën.
Shkencëtarët nga Universiteti i Leeds dhanë përgjigjen e tyre për një nga pyetjet më të vështira: Në fund të fundit, çfarë është ajo që e bën çokollatën kaq të parezistueshme?
Duke analizuar fazat e ndryshme të ndjesisë që lë çokollata që nga kontakti i parë me gjuhën deri në përzierjen me pështymën, zbuluan se kjo kënaqësi që ndjejmë është për shkak të yndyrës që ndodhet në sipërfaqen e saj dhe që qëndron aq shumë në gjuhë si në sipërfaqet e tjera të zgavrës së gojës, duke krijuar strukturën e saj kremoze.
Kur çokollata bie në kontakt me gjuhën, ajo lëshon yndyrë e cila mbulon gjuhën dhe pjesën e brendshme të gojës duke dhënë atë ndjesinë që shumë njerëz e duan çokollatën.
Prandaj, yndyra në sipërfaqen e çokollatës ka një rol kyç në këtë ndjesi që shkakton në gojë.
Vendndodhja e yndyrës ka rëndësi
Por ajo që është shumë interesante është fakti se shkencëtarët vunë re se kur yndyra e çokollatës është brenda në të ajo nuk të ofron këtë ndjesi të këndshme.
Çokollata, pavarësisht nëse është 5% ose 50% yndyrë, duhet të formojë pika në gojë, të cilat ofrojnë atë ndjesi kënaqësie. Faktori që luan një rol kyç është pozicioni i yndyrës në çokollatë.
“Hulumtimet kanë treguar se të qenit në shtresat e jashtme është thelbësore, pasi duket se është ajo që i jep çokollatës shijen e saj të parezistueshme”, shpjegon Anwesha Sarkar, profesore në Shkollën e Shkencave të Ushqimit dhe të Ushqyerit në Leeds.
