Joe Biden mori të mërkurën zyrtarisht detyrë si president i 46-të i SHBA-ve. Biden po përballet me një sërë sfidash si pandemiaglobale, recesioni, padrejtësia racore, ekstremizmi i djathtë etj.
Megjithatë, pavarësisht të gjithave duket se Biden është i rrezikuar për shkak të biçikletës së tij peloton që e përdor për stërvitje, të cilën e ka marrë me vete në Shtëpinë e Bardhë.
Duke iu referuar ekspertëve New York Times, shkruan se presidenti do të jetë në rrezik nga sulme të mundshme kibernetike që mund t’i bëhen përmes kësaj biçiklete, përcjell abcnews.al.
Peloton është një lloj hibridi mes biçikletës tradicionale të stërvitjes dhe mediave sociale, i pajisur me një tablet dhe u jep mundës përdoruesve të tij të bëjnë lidhje të drejtpërdrejta, të marrin pjesë në mësime në internet dhe të komunikojnë me të tjerët.
Kjo biçikletë kushton mbi 2 mijë dollarë. Biden nisi ta përdorë gjatë bllokimit të pranverës ku filloi të ushtronte palestër në shtëpi. Sipas New York Times , duket se çdo mëngjes ai debaton me gruan e tij se kush mund ta përdorë Pelotonin më parë.
Problemi për ekspertët e sigurisë është pikërisht mikrofoni dhe kamera me të cilën secili Peloton është i pajisur. CIA duhet të parandalojë që hakerat rusë ose kinezë të futen në palestrën e Shtëpisë së Bardhë me çdo kusht, përcjall abcnews.al.
Alarmi u ngrit nga revista Popular Mechanics në artikullin “Pse Joe Biden nuk mund ta sjellë pelotonin e tij në Shtëpinë e Bardhë”. Sipas ekspertëve, sidoqoftë, Biden mund të përdorë Pelotonin e tij, por vetëm pasi Shërbimi Sekret dhe siguria kombëtare e SHBA kanë vënë në dorë atë, duke e shndërruar atë në diçka shumë të ndryshme nga modeli i zakonshëm.
Michelle Obama gjithashtu ka përdor një Peloton të modifikuar, të mbrojtur nga ndërhyrjet, por zëdhënësi i saj nuk e konfirmon. Biden nuk do të ishte presidenti i parë, veset elektronike të të cilit bien ndesh me nevojën e Shtëpisë së Bardhë për siguri.
Donald Trump pëlqente të përdorte iPhone-in e tij personal për telefonata me miqtë. Barack Obama kishte sjellë BlackBerry-in e tij dhe më pas përdori dhe iPad. g.v/abcnews.al
