Mjekësi, teknologji dhe inovacion janë fushat ku është fokusuar programi I universitetit më të ri në Tiranë “Western Balkans.”
Por pse maturantët duhet të zgjedhin pikërisht këtë universitet për të vazhduar studimet e tyre?
Presidenti i “Westerns Balkans”, Ferdinand Gjana i ftuar në studion e “Abc Live” në Abc tregoi se Universiteti ka marrëveshje me të gjithë spitalet Amerikane në vend dhe në Kosovë për studentët që vijnë nga Kosova. Studentët e mjekësisë do të kenë mundësi të fillojnë praktikën në spitale që në vitin e parë të studimeve dhe pas 3 vitesh, do të kenë të garantuar një vend pune.
“Arsyet mund të jenë disa. E para, ai që do zgjedhë Western do të ketë një dëshirë të studiojë në fushat që ne kemi. Ky universitet ofron një mundësi shumë të mirë sepse një nga elementët kemi është bashkëpunimi që universiteti ynë me gjithë spitalet Amerikane. Gjithë studentët që do studiojnë në mjekësi, do fillojnë që vitin e parë praktikën në spitalet amerikane në Shqipëri dhe në Kosovë nëse do të vijnë nga Kosova. Pas këtyre 3 viteve punësimin e kanë të garantuar në spitalet Amerikane. Edhe nëse nuk do pranojnë të punojnë në spitalet Amerikane do jenë të favorizuar për të punuar diku tjetër, qoftë edhe jashtë shtetit. Arsyeja tjetër është që ne kemi ofruar bursa për studentët ekselentë. Kanë përfituar 100% deri tani jo pak student të cilët do të kenë një kosto thuajse zero përgjatë gjithë studimeve”, tha Gjana.
