TIRANË- Aleati i Sali Berishës, kreu i Partisë Republikane, Fatmir Mediu mbajti fjalën para simpatizantëve në bulevardin “Dëshmorët e Kombit”, ndërsa tha se nuk është partia forca kryesore, por janë njerëzit e lirë.
Ai u kërkoi shqiptarëve të bëhen bashkë për të luftuar sipas tij korrupsionin. Mediu pohoi se në Shqipëri nuk ka drejtësi, sepse ajo përdoret për si vegël politike për të goditur kundërshtarët politikë.
“ Nuk është partia forca, partia janë njerëzit e lirë, shqiptarët e bashkuar, që do luftojmë kundër korrupsionit. Shqipëria nuk ka drejtësi, sepse ajo përdoret si armë politike kundër kundërshtarëve. Kjo qeveria ka ndërtuar një mur të madh. Shqiptarët duhet të bashkohen për ta shembur këtë mur të fëlliqur dhe të marrim në dorë fatin tonë. Diaspora ka më shumë se kurrë në dorë për të ndryshuar fatin e Shqipërisë. Ne u kemi borxh të gjithë pronarëve për t’iu kthyer pronat e tyre”, tha ai./abcnews.al
