Ish-mbrojtësi i Italisë dhe fitues i “Topit të Artë”, Fabio Cannavaro, ka folur për Kupën e Italisë, finalja e të cilës është mes Juventusit dhe Napolit. Cannavaro tha se në këtë sfidë nuk ka favoritë, si dhe tregoi dy protagonistët.
“Kush do ta fitojë finalen? Unë them se është 50 me 50. Nuk e them sepse jam diplomatik, por sepse e mendoj me të vërtetë. Finalet nuk kanë favoritë, mund të vendosen nga detajet.
Gjithashtu, tani nuk mund të bëhen parashikime, ka shumë të panjohura. Asnjë trajner nuk është në gjendje të lexojë gjendjen e lojtarëve të tij. Le të themi se Juventus, ndryshe nga Napoli, është e detyruar të bëjë ndeshjen, edhe të fitojë. Kush do të jenë protagonistët? Insigne për Napolin dhe Cristiano Ronaldo për Juventusin”, u shpreh Cannavaro./abcnews.al
